Անդրանիկ Նիկողոսյանը քցել է «Պատվո բլուր» հուշահամալիրը նախագծողներին և պարգև կորզել պատրիարք Կիրիլից

2010 թվականի օգոստոսին Գյումրիում  մեծ հանդիսավորությամբ բացվեց հայ-ռուսական բարեկամությունը խորհրդանշող «Պատվո բլուր» հուշահամալիրը:
«Պատվո բլուր» ծրագրի կազմակերպման ու իրականացման համար հիմնվել էր ՌԴ-ից ֆինանսավորվող «Պատվո գործ հայ-ռուսական բարեգործական հասարակական կազմակերպությունը», որը ղեկավարում է տխրահռչակ Անդրանիկ Նիկողոյանը: 

Բացման արարողությունից մի քանի ամիս առաջ.

«Պատվո գործ հայ-ռուսական բարեգործական կազմակերպությունը» նախագծային և հետազոտական աշխատանքների իրականացման համար  պայմանագիր է կնքում «Յաշա Խաչյան» ՍՊԸ  հետ: Ըստ պայմանագրի, ընկերությունը պարտավորվել է կատարել Գյումրիում` «Պատվո բլուր» զինվորական հուշահամալիրի նախագծային աշխատանքները:
Պայմանագրով նախատեսված աշխատանքների արժեքը կազմել է 12 մլն. 120 հազար դրամ:

Անդրանիկ Նիկողոսյանի գլխավորած հասարակական կազմակերպությունը աշխատանքի դիմաց պարտավորվել է վճարել փուլերով` առաջին փուլի համար 9 մլն. 600 հազար դրամ, իսկ  երկրորդ փուլի համար՝ 2 մլն. 520 հազար դրամ:

Հավատրիմ մնալով իր սկզբունքներին՝ այս անգամ  ևս Անդրանիկ Նիկողոսյանը յուրացրել է ռուսական միլիոններն ու քցել հայ գործարարներին: Այս դեպքում Նիկողոսյանի օգուտը կազմել է ավելի քան 4 մլն. 600 հազար դրամ:
Մեխանիզմը հետևյալն է. Նիկողոսյանը նախագծող ընկերությանը մաս առ մաս փոխանցել է միայն գումարի առաջին հատվածը, երկրորդը խոստանալով վճարել աշխատանքների ավարտին: Միչդեռ  պատրաստի նախագիծը ստանալուց հետո, վերջինս անհետացել է՝ քցելով նախագծող ընկերության ողջ անձնակազմին և թողնելով նրանց առանց աշխատավարձի: 

Տուժողի դերում միայն «Յաշա Խաչյան» ՍՊԸ-ն չէ: Անդրանիկ Նիկողոսյանի մեքենայություններից տուժել է նաև մեկ այլ նախագծող՝ «ԱՌԴ գլոբալ» ՍՊԸ, կրելով 1 մլն. 548 հազ. 540 դրամի վնաս:

Բացման արարողությունից մի քանի ամիս հետո.

«Յաշա Խաչյան» ՍՊԸ և «ԱՌԴ գլոբալ» ՍՊԸ դիմում են դատարան: Չնայած, դատարանը բավարարել է հայցերը և որոշել բռնագանձել Նիկողոսյանի հասարակական կազմակերպությունից 4 մլն. 600 հազար և 1 մլն. 548 հազ. 540 դրամ, սակայն մինչև հիմա հայցվորները այդ գումարը չեն ստացել: 

Ձևանալով սնանկ՝ Անդրանիկ Նիկողոսյանը չի վճարել մարդկանց նրանց քրտնաջան աշխատանքի դիմաց՝ հացից զրկելով տասնյակ ընտանիքների:

Ի դեպ

«Պատվո Բլուր» ծրագրի իրականացման ընթացքում ցուցաբերած անձնուրաց աշխատանքի համար (կարդալ. նախագծողներին քցելու, դատական գործերի հերոս դառնալու համար) Անդրանիկ Նիկողոսյանը Ամենայն Ռուսիո պատրիարք Կիրիլի հրամանագրով պարգևատրվել է «Իշխան Դանիիլ Մոսկվացու III աստիճանի» շքանշանով: 

Եվ իհարկե, առանց խղճի խայթի ու ամոթի վերցրել է այդ պարգևն ու պարծեցել դրանով:

Շարունակելի…

Անդրանիկ Նիկողոսյան-Մենուա Հարությունյան զույգի մութ գործարքներն ու փոշիացրած միլիոնները (լուսանկարներ)

Մենուա Հարությունյան. Կանացի սանրվածքով այս երիտասարդը առաջին անգամ հանրությանը հայտնի դարձավ հեռուստաեթերից: Մանկավարժական ինստիտուտն ավարտած, բայց քաղաքական վերլուծաբանի ու քաղաքագետի անվան տակ ներկայացող Մենուան հեղինակային հաղորդում էր վարում՝ գումարի դիմաց ապահովելով հյուրերի PR-ը: Մենուայի հեռուստատեսային կարիերան տևեց մինչև այն պահը, երբ TV-ի տնօրինությունը տեղեկացավ նրա մութ գործարքների մասին ու դուրս շպրտեց եթերից:

Բայց «ճարպիկ»  Մենուան երկար անգործ չմնաց: Նա հիմնադրեց, իբր, լրատվական slaq.am կայքը, որը բացելիս առաջինը բանը, որ տեսնում է ընթերցողը՝ անթիվ ու անհամար գովազդային վահանակներն են` պիցցայանոցից մինչև բռենդային հագուստի խանութ, թթվասերից մինչև «Հայոց արծիվներ»: Մենուայի կայքում 30-ից ավելի գովազդային վահանակ կա: 

Ւսկ ինչպե՞ս է նրան հաջողվել ձեռք բերել դրանք: Մեխանիզմը պարզ է՝ սկզբում հրապարակվում է այս կամ այն գործչի մասին վարկաբեկող նյութ, ով ներկայանում ու «մուծվում» է, դուրս գալով նրա «սև ցուցակից»:

Մենուայի սկզբունքները.

Մենուայի միակ սկզբունքը սկզբունքներ չունենալն է: Կլորիկ գումարի դիմաց Մենուայի  համար օլիգարխը վայրկյանների ընթացքում դառնում է բարերար, կաշառակեր պաշտոնյան՝ օրինակելի չինովնիկ, իսկ խաբեբա բիզնեսմենը՝ օրինապահ գործարար:  

Մենուա Հարությունյանին հաջողվել է իր շուրջ համախմբել մարդկանց, ովքեր պատրաստ են վճարել նրա «կիսապոռնո» կայքում իրենց անունները չտեսնելու համար, բայց, ի դժբախտություն նրա, այդպիսի մարդկանց թիվը չի գերազանցում երեք տասնյակը:

Ֆինանսական նոր աղբյուրներ գտնելու համար Մենուան ընկերացել է «Պուտին» տխրահռչակ ակումբների հեղինակ, ֆինանսական ավանտյուրաների մասնագետ Անդրանիկ Նիկողոսյանին հետ, իսկ վերջինս՝  հայաստանյան շրջանակների կողմից ընդունված չլինելով, որոշել է օգտվել Մենուայի «կապերից» ու ծառայություններից, որոնք, բնականաբար, փող արժեն:

Ինչպե՞ս են Մենուա Հարությունյանն ու Անդրանիկ Նիկողոսյանը փոշիացնում Կրեմլից եկող միլիոնները

Արդեն առիթ ունեցել ենք գրելու Անդրանիկ Նիկողոսյանի մեքենայությունների ու գործող պաշտոնական կառույցների անուններով ՀԿ-ներ ու կայքեր բացելու մասին: Քանի որ Նիկողոսյանին իր PR-ի համար բավարար չեն միայն սեփական կայքերը, իսկ ոչ մի լուրջ կայք որևէ պայմանով չի համաձայնվել համագործակցել նրա հետ, նրան օգնության է հասել Մենուան: Նրանք միասին հրատարակում են «Եվրասիա դե ֆակտո» ամսագիրը, որի անվան տակ տարեկան միլիոնավոր դոլարներ են յուրացնում:

Նիկողոսյանը Մենուային ամսական կլորիկ գումար է հատկացնում, իսկ վերջինս էլ Նիկողոսյանի մասին դրական նյութեր գրում, որպեսզի նա դրանք դնի Կրեմլ ուղարկվող ու իր փոշիացրած գումարները հիմնավորող հաշվետվություններում: Մի քանի ամիս առաջ էլ Մենուան այնքան էր ոգևորվել ստացած գումարի չափով, որ նրա  կայքը  Նիկողոսյանին նույնիսկ փոխվարչապետի պաշտոնը «վստահեց» ու քեսաբահայերին օգնող մեծն բարերար հռչակեց: Ինչպես պարզվեց և մեկը, և մյուսը պարզունակ  սուտ էին:

Միասին աշխատած գումարներով Անդրանիկ Նիկողոսյանն ու Մենուա Հարությունյանը տարվա մեջ մի քանի անգամ հանգստանում են աշխարհի լավագույն հանգստավայրերում՝ օգտվելով արքայական հաճույքներից: 

Մինչդեռ այդ գումարները, որոնք դուրս են գրվում

Հայաստանում ներդրումներ անելու համար ոչ մի անգամ տեղ չեն հասնում, քանի որ անդրանիկնիկողոսյաններին ու մենուահարությունյաններին սեփական շահից բացի,  այլ բան չի հետարքրքում:

Ի դեպ, նախորդ տարի Մենուա Հարությունյանը մոտ 100 հազար դոլար արժողությամբ BMW մակնիշի մեքենա և մի քանի միլիոնանոց բնակարան է գնել Ամիրյան փողոցում, որի գումարի մեծ մասը, ասում են, Անդրանիկ Նիկողոսյանի հետ արած մութ գործարքների արդյունքում է գրպանել:

Շարունակելի…

Պարզվում է, Անդրանիկ Նիկողոսյանը հակում ունի կեղծ համարներով ավտոմեքենաներով ճեմել. ՖՈՏՈՌԵՊՈՐՏԱԺ

SHAMSHYAN.com-ը հունիսի 19-ին տեղեկատվություն էր տարածել, որ Երևանում «Պուտին» ակումբների նախագահը կեղծել էր իր Mercedes-ի համարանիշը, այն դարձնելով դիվանագիտական: 

SHAMSHYAN.com-ը լրագրողական հետաքննություն անցկացնելով պարզեց, որ «Ռուսական գրքի տուն» ցանցի մեծն հիմնադիր Անդրանիկ Նիկողոսյանը, հաճախակի է ինքնաշեն համարանիշներ տեղադրել իրեն սպասարկող ավտոմեքենաների վրա, սակայն ամեն անգամ ջրից չոր է դուրս եկել ու երբ ճանապարհային ոստիկանները օպերատիվ տվյալներ են ստացել ու համարաթափ են արել Ա. Նիկողոսյանին ու նրա վարորդին, համարանիշները դրված են եղել Mercedes-ի վրա, ու հիմա նրա շրջապատում թևավոր խոսք է դարձել հայտնի բանաստեղծության տեքստով՝

Անդրանիկը համար չունի,
Հանդ է գնում անհամար,
Ու հյուրեր է տանում բերում,
Կեղծված կարմիր համարով,
Ու երբ գային բռնեց տարավ,
Նա երևի թե հասկացավ,
Որ ծեր պապը ամեն անգամ
Չի կարնալու փլավ ուտել:

SHAMSHYAN.com-ը ներկայացնում է լուսանկարներ, թե ինչ համարանիշի և ինչ մակնիշի ավտոմեքենաներով է հանրապետության փողոցներում ճեմել իրեն անպարտելի համարող Ա. Նիկողոսյանը: 

Ինչպես ավելի վաղ հայտնել էր ֆոտոլրագրողը, Երևանի ճանապարհային ոստիկանության ծառայողների կողմից ՃՈ հատուկ տարածք էր տեղափոխվել Mercedes մակնիշի 04 T 002 AM համարանիշի ավտոմեքենան: 

Պարզվել էր, որ նշված ավտոմեքենայի վրայի համարանիշը եղել էր կեղծված, ինչի համար օրինախախտ վարորդը տուգանվել է խոշոր չափի գումարով: Ըստ ֆոտոլրագրողի տեղեկությունների՝ ավտոմեքենան վարել էր Արարատի մարզի Մխչան գյուղի բնակիչ Էդիկ Մարտիրոսյանը, և երբ ավտոմեքենան տեղափոխվել էր ՃՈ հատուկ պահպանվող տարածք, մեքենայի մեջ էր եղել «ԱՊՀ երկրների երիտասարդական միության» նախագահ, մի քանի քիչ հայտնի լրատվամիջոցների սեփականատեր, «Ռուսական գրքի տուն» ցանցի հիմնադիր Անդրանիկ Նիկողոսյանը: 

Կան տեղեկություններ, որ առանց նրա գիտության վարորդը չէր համարձակվի Mercedes-ի վրայից հանել օրինական՝ 001 PO 10 համարանիշը և փոխարենը տեղադրել կեղծ համարանիշներ, ինչի համար էլ վարչական իրավախախտումների վերաբերյալ օրենսգրքի 14 կետով (առանց հաշվառման համարանիշի կեղծված կամ փոխարինված համարանիշով տրանսպորտային միջոցներ վարելը) վարչական պատասխանատվության էր ենթարկվել: